೨-೧೦. ಸತ್ತಸುತ್ತಾದಿವಣ್ಣನಾ

೧೬೧-೧೬೯. ದುತಿಯೇ ಸತ್ತೋ ಸತ್ತೋತಿ ಲಗ್ಗಪುಚ್ಛಾ. ತತ್ರ ಸತ್ತೋ ತತ್ರ ವಿಸತ್ತೋತಿ ತತ್ರ ಲಗ್ಗೋ ತತ್ರ ವಿಲಗ್ಗೋ. ಪಂಸ್ವಾಗಾರಕೇಹೀತಿ ಪಂಸುಘರಕೇಹಿ. ಕೇಳಾಯನ್ತೀತಿ ಕೀಳನ್ತಿ. ಧನಾಯನ್ತೀತಿ ಧನಂ ವಿಯ ಮಞ್ಞನ್ತಿ. ಮಮಾಯನ್ತೀತಿ ‘‘ಮಮ ಇದಂ, ಮಮ ಇದ’’ನ್ತಿ ಮಮತ್ತಂ ಕರೋನ್ತಿ, ಅಞ್ಞಸ್ಸ ಫುಸಿತುಮ್ಪಿ ನ ದೇನ್ತಿ. ವಿಕೀಳನಿಯಂ ಕರೋನ್ತೀತಿ ‘‘ನಿಟ್ಠಿತಾ ಕೀಳಾ’’ತಿ ತೇ ಭಿನ್ದಮಾನಾ ಕೀಳಾವಿಗಮಂ ಕರೋನ್ತಿ. ತತಿಯೇ ಭವನೇತ್ತೀತಿ ಭವರಜ್ಜು. ಚತುತ್ಥಂ ಉತ್ತಾನಮೇವ. ಪಞ್ಚಮಾದೀಸು ಚತೂಸು ಚತ್ತಾರಿ ಸಚ್ಚಾನಿ ಕಥಿತಾನಿ, ದ್ವೀಸು ಕಿಲೇಸಪ್ಪಹಾನನ್ತಿ. ದುತಿಯಾದೀನಿ.

ಪಠಮೋ ವಗ್ಗೋ.