೩. ಮೂಲಕಸುತ್ತವಣ್ಣನಾ

೮೩. ತತಿಯೇ ಸಬ್ಬೇ ಧಮ್ಮಾತಿ ಪಞ್ಚಕ್ಖನ್ಧಾ. ಛನ್ದಮೂಲಕಾತಿ ಅಜ್ಝಾಸಯಚ್ಛನ್ದೋ ಕತ್ತುಕಮ್ಯತಾಛನ್ದೋ ತಂ ಮೂಲಂ ಏತೇಸನ್ತಿ ಛನ್ದಮೂಲಕಾ. ಮನಸಿಕಾರತೋ ಸಮ್ಭವನ್ತೀತಿ ಮನಸಿಕಾರಸಮ್ಭವಾ. ಫಸ್ಸತೋ ಸಮುದೇನ್ತಿ ರಾಸೀ ಭವನ್ತೀತಿ ಫಸ್ಸಸಮುದಯಾ. ವೇದನಾಯ ಸಮೋಸರನ್ತೀತಿ ವೇದನಾಸಮೋಸರಣಾ. ಸಮಾಧಿ ಏತೇಸಂ ಪಮುಖೋತಿ ಸಮಾಧಿಪ್ಪಮುಖಾ. ಜೇಟ್ಠಕಟ್ಠೇನ ಸತಿ ಅಧಿಪತಿ ಏತೇಸನ್ತಿ ಸತಾಧಿಪತೇಯ್ಯಾ, ಸತಿಜೇಟ್ಠಕಾತಿ ಅತ್ಥೋ. ಪಞ್ಞಾ ಉತ್ತರಾ ಏತೇಸನ್ತಿ ಪಞ್ಞುತ್ತರಾ. ವಿಮುತ್ತಿ ಏವ ಸಾರೋ ಏತೇಸನ್ತಿ ವಿಮುತ್ತಿಸಾರಾ. ಏತ್ಥ ಚ ಛನ್ದಮೂಲಕಾದಯೋ ಚತ್ತಾರೋಪಿ ಲೋಕಿಯಾ ಕಥಿತಾ, ಸೇಸಾ ಲೋಕಿಯಲೋಕುತ್ತರಮಿಸ್ಸಕಾತಿ.