೧-೨. ಸತಿಸಮ್ಪಜಞ್ಞಸುತ್ತವಣ್ಣನಾ

೮೧-೮೨. ನವಮಸ್ಸ ಪಠಮಂ ಹೇಟ್ಠಾ ವುತ್ತನಯಮೇವ. ದುತಿಯೇ ಸದ್ಧೋತಿ ದುವಿಧಾಯ ಸದ್ಧಾಯ ಸಮನ್ನಾಗತೋ. ನೋ ಚುಪಸಙ್ಕಮಿತಾತಿ ನ ಉಪಟ್ಠಹತಿ. ನೋ ಚ ಪರಿಪುಚ್ಛಿತಾತಿ ಅತ್ಥಾನತ್ಥಂ ಕಾರಣಾಕಾರಣಂ ಪರಿಪುಚ್ಛಿತಾ ನ ಹೋತಿ. ಸಮನ್ನಾಗತೋತಿ ಸಾಮಿಅತ್ಥೇ ಪಚ್ಚತ್ತಂ, ಸಮನ್ನಾಗತಸ್ಸಾತಿ ವುತ್ತಂ ಹೋತಿ. ಏಕನ್ತಪಟಿಭಾನಾ ತಥಾಗತಂ ಧಮ್ಮದೇಸನಾ ಹೋತೀತಿ ತಥಾಗತಸ್ಸ ಏಕನ್ತಪಟಿಭಾನಾ ಧಮ್ಮದೇಸನಾ ಹೋತಿ, ಏಕನ್ತೇನೇವ ಪಟಿಭಾತಿ ಉಪಟ್ಠಾತೀತಿ ಅತ್ಥೋ.