೧೦. ಪೇಮಸುತ್ತವಣ್ಣನಾ

೨೦೦. ದಸಮೇ ನ ಉಸ್ಸೇನೇತೀತಿ ದಿಟ್ಠಿವಸೇನ ನ ಉಕ್ಖಿಪತಿ. ನ ಪಟಿಸೇನೇತೀತಿ ಪಟಿವಿರುದ್ಧೋ ಹುತ್ವಾ ಕಲಹಭಣ್ಡನವಸೇನ ನ ಉಕ್ಖಿಪತಿ. ನ ಧೂಪಾಯತೀತಿ ಅಜ್ಝತ್ತಿಕಸ್ಸ ಉಪಾದಾಯ ತಣ್ಹಾವಿಚರಿತವಸೇನ ನ ಧೂಪಾಯತಿ. ನ ಪಜ್ಜಲತೀತಿ ಬಾಹಿರಸ್ಸ ಉಪಾದಾಯ ತಣ್ಹಾವಿಚರಿತವಸೇನ ನ ಪಜ್ಜಲತಿ. ನ ಸಮ್ಪಜ್ಝಾಯತೀತಿ ಅಸ್ಮಿಮಾನವಸೇನ ನ ಸಮ್ಪಜ್ಝಾಯತಿ. ಸೇಸಂ ಪಾಳಿನಯೇನೇವ ವೇದಿತಬ್ಬಂ. ಇಮಸ್ಮಿಂ ಸುತ್ತೇ ವಟ್ಟವಿವಟ್ಟಂ ಕಥಿತನ್ತಿ.

ಮಹಾವಗ್ಗೋ ಪಞ್ಚಮೋ.