೩. ಸರದಸುತ್ತವಣ್ಣನಾ

೯೫. ತತಿಯೇ ವಿದ್ಧೇತಿ ವಲಾಹಕವಿಗಮೇನ ದೂರೀಭೂತೇ. ದೇವೇತಿ ಆಕಾಸೇ. ಅಭಿವಿಹಚ್ಚಾತಿ ಅಭಿವಿಹನಿತ್ವಾ. ಯತೋತಿ ಯಸ್ಮಿಂ ಕಾಲೇ. ವಿರಜನ್ತಿ ರಾಗರಜಾದಿರಹಿತಂ. ತೇಸಂಯೇವ ಮಲಾನಂ ವಿಗತತ್ತಾ ವೀತಮಲಂ. ಧಮ್ಮಚಕ್ಖುನ್ತಿ ಚತುಸಚ್ಚಧಮ್ಮಪರಿಗ್ಗಾಹಕಂ ಸೋತಾಪತ್ತಿಮಗ್ಗಚಕ್ಖುಂ. ನತ್ಥಿ ತಂ ಸಂಯೋಜನನ್ತಿ ದುವಿಧಮೇವಸ್ಸ ಸಂಯೋಜನಂ ನತ್ಥಿ, ಇತರಮ್ಪಿ ಪನ ಪುನ ಇಮಂ ಲೋಕಂ ಆನೇತುಂ ಅಸಮತ್ಥತಾಯ ನತ್ಥೀತಿ ವುತ್ತಂ. ಇಮಸ್ಮಿಂ ಸುತ್ತೇ ಝಾನಾನಾಗಾಮೀ ನಾಮ ಕಥಿತೋತಿ.