೧೬೫. ತುಂ+ಯಾನಾ

ತ್ವಾಸ್ಸ ವಾ ತುಂ+ಯಾನಾ ಹೋನ್ತಿ ಸಮಾಸೇ ಕ್ವಚಿ. ಅಭಿಹರಣಂ ಕತ್ವಾ ಅಭಿಹಟ್ಠುಂ, ಅಭಿಹರಿತ್ವಾ, ಪಾದಿಸಮಾಸೋ, ‘‘ಪುಚ್ಛಾದಿತೋ’’ತಿ ತಸ್ಸ ಠೋ ಪರರೂಪಾದಿ ಚ. ಅನುಮೋದನಂ ಕತ್ವಾ ಅನುಮೋದಿಯಾನ ಅನುಮೋದಿತ್ವಾ ವಾ, ಕಾನುಬನ್ಧೇಪಿ ‘‘ವಾ ಕ್ವಚೀ’’ತಿ ವಿಕಪ್ಪತ್ತಾ ‘‘ಲಹುಸ್ಸುಪನ್ತಸ್ಸಾ’’ತಿ ಓಕಾರೋ. ಕ್ವಚಾ+ಸಮಾಸೇಪಿ ಬಹುಲಾಧಿಕಾರಾ, ದಟ್ಠುಂ, ದಿಸತೋ ತ್ವಾಸ್ಸ ತುಮಾದೇಸೇ ದಿಸಸ್ಸ ದಸ. ಅಞ್ಞತ್ರ ‘‘ದಿಸಾ ವಾನ+ವಾ ಸ ಚಾ’’ತಿ ತ್ವಾಸ್ಸ ವಾನ+ವಾ ಸ ಹೋನ್ತಿ, ದಿಸ್ವಾ. ಏವಂ ಲಭನಂ ಕತ್ವಾ ಲದ್ಧಾ ಧನಂತಿಆದೀಸು ತಸ್ಸ ಧೋ ಭವತಿ.

ಇತಿ ಪಯೋಗಸಿದ್ಧಿಯಂ ಖಾದಿಕಣ್ಡೋ ಸತ್ತಮೋ.