೫,೨. ಕಿತಾ ತಿಕಿಚ್ಛಾ+ಸಂಸಯೇಸು ಛೋ

ತಿಕಿಚ್ಛಾಯಂ ಸಂಸಯೇ ಚ ವತ್ತಮಾನಾ ಕಿತಾ ಛೋ ಹೋತಿ. ಕಿತ=ನಿವಾಸೇ, ಛಪಚ್ಚಯೇ ಪುಬ್ಬೇವ ಪರರೂಪಾದಿಮ್ಹಿ ಚ ಕತೇ ‘‘ಕಿತಸ್ಸಾ+ಸಂಸಯೇ ವಾ’’ತಿ ದ್ವಿತ್ತೇ ಪುಬ್ಬಸ್ಸ ತಿಆದೇಸೇ ತಿಕಿಚ್ಛಧಾತುತೋ ತ್ಯಾದಯೋ. ತಿಕಿಚ್ಛತಿ, ತಿಕಿಚ್ಛನ್ತಿ+ಚ್ಚಾದಿ. ವಿಪುಬ್ಬತೋ ಕಿತಾ ಛಪ್ಪಚ್ಚಯಾದಿಮ್ಹಿ ಕತೇ ‘‘ಕವಗ್ಗಹಾನಂ ಚವಗ್ಗಜಾ’’ತಿ ದ್ವಿತ್ತೇ ಪುಬ್ಬಸ್ಸ ಕಸ್ಸ ಚೋ. ವಿಚಿಕಿಚ್ಛತಿ, ವಿಚಿಕಿಚ್ಛನ್ತಿ+ಚ್ಚಾದಿ. ಪಯೋಜಕತ್ತಾ ಕೇತಯತಿ+ಚ್ಚಾದಿ ಪುರಿಮಸಮಂ.