೫,೩. ನಿನ್ದಾಯಂ ಗುಪ+ಬಧಾ ಬಸ್ಸ ಭೋ ಚ

ನಿನ್ದಾಯಂ ಗುಪ+ಬಧೇಹಿ ಛೋ ಹೋತಿ ಬಸ್ಸ ಭೋ ಚ. ಗುಪ=ರಕ್ಖನೇ+ತೀಮಸ್ಮಾ ಛಪ್ಪಚ್ಚಯೇ ‘‘ಅಞ್ಞತ್ರಾಪೀ’’ತಿ ಓತ್ತಾಭಾವೇ ಚ ಪರರೂಪಾದಿಮ್ಹಿ ‘‘ಕವಗ್ಗಹಾ’’ ದಿನಾ ಗಸ್ಸ ಜೇ ಚ ಕತೇ ‘‘ಗುಪಿಸ್ಸುಸ್ಸಾ’’ತಿ ದ್ವಿತ್ತೇ ಪುಬ್ಬಸ್ಸ ಉಸ್ಸ ಇ ಹೋತಿ. ತ್ಯಾದಿ+ಲವಿಕರಣಾದಿಮ್ಹಿ ಜಿಗುಚ್ಛತಿ ಇಚ್ಚಾದಿ. ನಿನ್ದಾಯಂ-ಬಧ=ಬನ್ಧನೇ+ತೀಮಸ್ಮಾ ಛಪ್ಪಚ್ಚಯೇ ಚ ಇಮಿನಾವ ಬಸ್ಸ ಭಕಾರೇ ಚ ಪರರೂಪೇ ಪಠಮಕ್ಖರೇ ಭಚ್ಛಭಚ್ಛಇತಿ ದ್ವಿತ್ತೇ ಅನಾದಿಬ್ಯಞ್ಜನಸ್ಸ ಲೋಪೇ ‘‘ಚತುತ್ಥದುತಿಯಾನಂ ತತಿಯಪಠಮಾ’’ತಿ ದ್ವಿತ್ತೇ ಪುಬ್ಬಸ್ಸ ಭಸ್ಸ ಬಕಾರೇ ‘‘ಖಛಸೇಸ್ವಸ್ಸೀ’’ತಿ ಇಕಾರೇ ದೀಘೇ ಚ ಕತೇ ಬೀಭಚ್ಛಧಾತುತೋ ತ್ಯಾದಯೋ ಹೋನ್ತಿ. ಬೀಭಚ್ಛತಿ, ಬೀಭಚ್ಛನ್ತಿ ಇಚ್ಚಾದಿ. ಅಞ್ಞತ್ರ ಗೋಪೇತಿ+ಚ್ಚಾದಿ.