೧. ದ್ವೇ ದ್ವೇ+ಕಾನೇಕೇಸು ನಾಮಸ್ಮಾ ಸಿಯೋ ಅಂಯೋ ನಾ ಹಿ ಸ ನಂ ಸ್ಮಾ ಹಿ ಸ ನಂ ಸ್ಮಿಂ ಸು

ಏತೇಸಂ ದ್ವೇ ದ್ವೇ ಹೋನ್ತಿ ಏಕಾನೇಕತ್ಥೇಸು ವತ್ತಮಾನತೋ ನಾಮಸ್ಮಾ ಯಥಾಕ್ಕಮಂ. ಯತೋ ಇಮೇ ಸತ್ತ ದುಕಾ ಹೋನ್ತಿ, ‘‘ಅತ್ಥವನ್ತ+ಮಧಾತುಕ+ಮಪಚ್ಚಯಂ ಪಾಟಿಪದಿಕಂ ಕಿತಕ+ತದ್ಧಿತ+ಸಮಾಸಾ ಚೇ’’ತಿ ವುತ್ತತ್ತಾ ತಂ ನಾಮಂ ಪಾಟಿಪದಿಕಂ ನಾಮ. ಕೇಚಿ ಸಕತ್ಥ+ದಬ್ಬ+ಲಿಙ್ಗ+ಸಙ್ಖ್ಯಾ+ಕಮ್ಮಾದಿಪಞ್ಚಕಂ ಪಾಟಿಪದಿಕನ್ತಿ ವದನ್ತಿ. ತೇನೇ+ತಂ ವುಚ್ಚತಿ –

ಸಕತ್ಥ+ದಬ್ಬ+ಲಿಙ್ಗಾನಿ, ಸದ್ದತ್ಥ+ಮಬ್ರವುಂ ಪರೇ;

ಸಙ್ಖ್ಯಾ+ಕಮ್ಮಾದಿಕಾನನ್ತು, ವಿಭತ್ತಿ ವಾಚಕಾ ಮತಾ.

ಸಕತ್ಥ+ದಬ್ಬ+ಲಿಙ್ಗಾನಿ, ಸಙ್ಖ್ಯಾ+ಕಮ್ಮಾದಿಪಞ್ಚಕಂ;

ಸದ್ದತ್ಥ+ಮಬ್ರವುಂ ಕೇಚಿ, ವಿಭತ್ತಿ ಪನ ಜೋತಕಾತಿ ಚ.

ತತೋ ಏಕಮ್ಹಿ ವತ್ತಬ್ಬೇ ಏಕವಚನಂ ಬಹುಮ್ಹಿ ವತ್ತಬ್ಬೇ ಬಹುವಚನಞ್ಚಾತಿ ಅನಿಯಮೇನ ಪಸಙ್ಗೇ ‘‘ನಾಮಸ್ಮಾ’’ತಿ ಅಧಿಕಾರೋ.