೩೭. ಪಠಮಾ+ತ್ಥಮತ್ತೇ

ನಾಮಸ್ಸಾ+ಭಿಧೇಯ್ಯಮತ್ತೇ ಪಠಮಾವಿಭತ್ತಿ ಹೋತೀತಿ ವತ್ತಿಚ್ಛಾವಸಾ ಪಠಮಾಯೇ+ಕವಚನಬಹುವಚನಾನಿ. ಸಿ ಯೋಇತಿ ಪಠಮಾ. ಸಿಸ್ಸಿ+ಕಾರಸ್ಸಾ+ನುಬನ್ಧತ್ತಾ ಅಪ್ಪಯೋಗೋ. ಪಯೋಜನಂ ‘‘ಕಿ+ಮಂಸಿಸೂ’’ತಿ ಸಂಕೇತೋ, ತಥಾ ಅಂವಚನಸ್ಸಾ+ಕಾರಸ್ಸ. ಏತ್ಥ ತಥಾತಿ ವುತ್ತಸ್ಸಾತಿದೇಸೋ ಅಞ್ಞದೀಯಧಮ್ಮಾನ+ಮಞ್ಞತ್ಥಪಾಪನ+ಮತಿದೇಸೋ. ಏಕಮ್ಹಿ ವತ್ತಬ್ಬೇ ಪಠಮೇಕವಚನಂ ಸಿ.

ಅತೋತಿ ವತ್ತತೇ, ಅತೋತಿ ನಾಮವಿಸೇಸನತ್ತಾ ‘‘ವಿಧಿಬ್ಬಿಸೇಸನನ್ತಸ್ಸಾ’’ತಿ ಪರಿಭಾಸತೋ ಅಕಾರನ್ತತೋ ನಾಮಸ್ಮಾ ವಿಧಿ.