೩೧. ಕೀಚ್ಚ

ಕಮ್ಮಕರೋ ಭರಿತಬ್ಬತಾಯೇಚ್ಚಾದಿನಾ ಕಿರಿಯಾಸದ್ದತ್ತಂ ಭಚ್ಚಸದ್ದಸ್ಸ ದಸ್ಸೇನ್ತೋ ಸಞ್ಞಾಭಾವಮಪಾಕರೋತಿ. ‘‘ಸಞ್ಞಾಯಂ ಭರಾ’’ತಿ ಚ ಗಣಸುತ್ತನ್ತಿ ದಟ್ಠಬ್ಬಂ, ತೇನಾಹ- ‘ಸಞ್ಞಾಯಂ ಭರಾ’ತಿಆದಿ.

ಅಭರಿತಬ್ಬಾಪಿಚ್ಚಾದಿನಾ ಇದಂ ದೀಪೇತಿ ದುವಿಧಾ ಸಞ್ಞಾಸದ್ದಾ ಕೇಚಿ ದಚ್ಚನ್ತ ವಿಗತಾವಯವತ್ಥಾ ಯಥಾ ಡಿತ್ಥಾದಯೋ, ಕೇಚಿದವಯವತ್ಥಾನುಗತಾಯಥಾ ಸತ್ತಪಣ್ಣಾದಯೋ, ತತ್ಥ ಭರಿಯಾಸದ್ದಸ್ಸ ಕಮ್ಮಮ್ಪವತ್ತಿನಿಮಿತ್ತಂ ‘ಭರಿತಬ್ಬಾ ಭರಿಯಾ’ತಿ, ಯಥಾ ಸತ್ತ ಪಣ್ಣಾನಿ ಅಸ್ಸಾತಿ ಸಮ್ಬನ್ಧೋ ಪವತ್ತಿನಿಮಿತ್ತಂ ಸತ್ತಪಣ್ಣಸದ್ದಸ್ಸ, ಏತಞ್ಚ ಪವತ್ತಿನಿಮಿತ್ತಂ ಸದ್ದನಿಪ್ಫತ್ತಿಕಿರಿಯಾಯಮೇವೋಪದಿಸೀಯತೇ, ಕ್ವಚಿದೇವ ತ್ವತ್ಥವಿಸೇಸೇ ಸತ್ಯಸತಿ ವಾ ತಸ್ಮಿಂ ನಿಮಿತ್ತೇ ಸದ್ದೋ ವತ್ತತೀ’’ತಿ. ಓಕಾರಸ್ಸಾತಿ ‘‘ಯುವಣ್ಣಾನಮೇ ಓಪ್ಪಚ್ಚಯೇ’’ತಿ (೫-೮೨) ಕತಓಕಾರಸ್ಸ.