វេវចនហារវណ្ណនា

‘‘មមំ មម មេ’’តិ បរិយាយវចនំ. ‘វា យទិ ចា’’តិ បរិយាយវចនំ. ‘‘ភិក្ខវេ សមណា តបស្សិនោ’’តិ បរិយាយវចនំ. ‘‘បរេ អញ្ញេ បដិវិរុទ្ធា’’តិ…បេ… នំ. ‘‘អវណ្ណំ អកិត្តិំ និន្ទ’’ន្តិ…បេ… នំ. ‘‘ភាសេយ្យុំ ភណេយ្យុំ កថេយ្យុ’’ន្តិ…បេ… នំ. ‘‘ធម្មស្ស វិនយស្ស សត្ថុសាសនស្សា’’តិ…បេ… នំ. ‘‘សង្ឃស្ស សមូហស្ស គណស្សា’’តិ…បេ… នំ. ‘‘តត្រ តត្ថ តេសូ’’តិ…បេ… នំ. ‘‘តុម្ហេហិ វោ ភវន្តេហី’’តិ…បេ… នំ. ‘‘អាឃាតោ ទោសោ ព្យាបាទោ’’តិ…បេ… នំ ‘‘អប្បច្ចយោ ទោមនស្សំ ចេតសិកទុក្ខ’’ន្តិ…បេ… នំ. ‘‘ចេតសោ ចិត្តស្ស មនសោ’’តិ…បេ… នំ. ‘‘អនភិរទ្ធិ ព្យាបត្តិ មនោបទោសោ’’តិ…បេ… នំ. ‘‘ន នោ អ មា’’តិ…បេ… នំ. ‘‘ករណីយា ឧប្បាទេតព្ពា បវត្តេតព្ពា’’តិ បរិយាយវចនំ. ឥមិនា នយេន សព្ពបទេសុ វេវចនំ វត្តព្ពន្តិ អយំ តស្ស តស្ស អត្ថស្ស តំតំបរិយាយសទ្ទយោជនាលក្ខណោ វេវចនហារោ នាម. វុត្តញ្ហេតំ ‘‘វេវចនានិ ពហូនិ តុ, សុត្តេ វុត្តានិ ឯកធម្មស្សា’’តិអាទិ (នេត្តិ. ៤.១០).