៦. ឆក្កនិទ្ទេសវណ្ណនា

២០២. ឥទំ សច្ចាភិសម្ពោធាទិកំ សង្គហិតំ ហោតិ ផលស្ស ហេតុនា អវិនាភាវតោ. តេនាហ ‘‘សាម’’ន្តិអាទិ. អនាចរិយកេន អត្តនា ឧប្បាទិតេនាតិ ឥទំ សព្ពញ្ញុតញ្ញាណេ វិជ្ជមានគុណកថនំ, ន តព្ពិធុរធម្មន្តរនិវត្តនំ តថារូបស្ស អញ្ញស្ស អភាវតោ. តេនស្ស សាចរិយកតា, បរតោ ច ឧប្បត្តិ បដិក្ខិត្តាតិ ឥមមត្ថមាហ ‘‘តត្ថា’’តិអាទិនា. តត្ថ សាចរិយកត្តំ បរូបទេសហេតុកតា, បរតោ ឧប្បត្តិ ឧបទេសេន វិនាបិ សន្និស្សាយ និព្ពត្តីតិ អយមេតេសំ វិសេសោ.

ឆក្កនិទ្ទេសវណ្ណនា និដ្ឋិតា.