៨. ទុព្ពណ្ណករណសិក្ខាបទវណ្ណនា

៣៦៨. អដ្ឋមេ ‘‘ចម្មការនីលំ នាម បកតិនីល’’ន្តិ តីសុបិ គណ្ឋិបទេសុ វុត្តំ. គណ្ឋិបទេ បន ‘‘ចម្មការា ឧទកេ តិបុមលំ អយគូថញ្ច បក្ខិបិត្វា ចម្មំ កាឡំ ករោន្តិ, តំ ចម្មការនីល’’ន្តិ វុត្តំ. សេសមេត្ថ ឧត្តានមេវ. វុត្តប្បការស្ស ចីវរស្ស អកតកប្បតា, អនដ្ឋចីវរាទិតា, និវាសនំ វា បារុបនំ វាតិ ឥមានិ បនេត្ថ តីណិ អង្គានិ.

ទុព្ពណ្ណករណសិក្ខាបទវណ្ណនា និដ្ឋិតា.