មូលភេសជ្ជកថា

មូលភេសជ្ជកថាយំ ‘‘អនុជានាមិ, ភិក្ខវេ, មូលានិ ភេសជ្ជានិ, ហលិទ្ទិំ សិង្គិវេរំ វចំ វចត្តំ អតិវិសំ កដុករោហិណិំ ឧសីរំ ភទ្ទមុត្តកំ, យានិ វា បនញ្ញានិបិ អត្ថិ មូលានិ ភេសជ្ជានិ នេវ ខាទនីយេ ខាទនីយត្ថំ ផរន្តិ, ន ភោជនីយេ ភោជនីយត្ថំ ផរន្តិ, តានិ បដិគ្គហេត្វា យាវជីវំ បរិហរិតុំ, សតិ បច្ចយេ បរិភុញ្ជិតុំ. អសតិ បច្ចយេ បរិភុញ្ជន្តស្ស អាបត្តិ ទុក្កដស្សា’’តិ. តត្ថ វចត្តន្តិ សេតវចំ. សេសំ ហេដ្ឋា វុត្តមេវ.