៨. ឧបស្សុតិសិក្ខាបទវណ្ណនា

៤៧១. អដ្ឋមេ សុយ្យតីតិ សុតិ, វចនំ. តស្សា សមីបំ ឧបស្សុតិ. សុយ្យតិ ឯត្ថាតិ សុតីតិ ឯវញ្ហិ អត្ថេ គយ្ហមានេ សវនដ្ឋានសមីបេ អញ្ញស្មិំ អស្សវនដ្ឋានេ តិដ្ឋតីតិ អាបជ្ជតិ. អដ្ឋកថាយញ្ច ឧបស្សុតិ-សទ្ទស្សេវ អត្ថំ ទស្សេតុំ ‘‘យត្ថ ឋត្វា’’តិអាទិ វុត្តំ, ន សុតិ-សទ្ទមត្តស្ស.

៤៧៣. ឯកបរិច្ឆេទានីតិ កទាចិ អកិរិយតោ, កទាចិ កិរិយតោ សមុដ្ឋានសាមញ្ញេន វុត្តំ. ឧបសម្បន្នេន ចោទនាធិប្បាយោ, សវនន្តិ ទ្វេ អង្គានិ.

ឧបស្សុតិសិក្ខាបទវណ្ណនា និដ្ឋិតា.