៥. តលសត្តិកសិក្ខាបទវណ្ណនា

៤៥៧. បញ្ចមេ ន បហរិតុកាមតាយ ទិន្នត្តា ទុក្កដន្តិ ឯត្ថ កិមិទំ ទុក្កដំ, បហារបច្ចយា, ឧទាហុ ឧគ្គិរណបច្ចយាតិ? ឧគ្គិរណបច្ចយាវ, ន បហារបច្ចយា. ន ហិ បហរិតុកាមតាយ អសតិ តប្បច្ចយា កាចិ អាបត្តិ យុត្តា, ឧគ្គិរណស្ស បន អត្តនោ សភាវេន អសណ្ឋិតត្តា តប្បច្ចយា បាចិត្តិយំ ន ជាតំ, អសុទ្ធចិត្តេន កតបយោគត្តា ច ឯត្ថ អនាបត្តិ ន យុត្តាតិ ទុក្កដំ វុត្តន្តិ គហេតព្ពំ.

៤៥៨. បុព្ពេតិ អនន្តរសិក្ខាបទេ. សេសំ អនន្តរសទិសមេវ.

តលសត្តិកសិក្ខាបទវណ្ណនា និដ្ឋិតា.