៣. មោហនសិក្ខាបទវណ្ណនា

៤៤៤. តតិយេ បាឡិយំ កោ បន វាទោ ភិយ្យោតិ តេហិ អញ្ញេហិ ភិក្ខូហិ ទិដ្ឋទ្វត្តិវារតោ ភិយ្យោ បន វិត្ថារេន ឧទ្ទិសិយមានេ បាតិមោក្ខេ និសិន្នបុព្ពតា អត្ថិ ចេ, តត្ថ កិមេវ វត្តព្ពំ, អាបត្តិមោក្ខោ នត្ថិ ឯវាតិ អធិប្បាយោ. តញ្ច យថាធម្មោ ការេតព្ពោតិ តន្តិ ការណត្ថេ ឧបយោគវចនំ, តាយាតិ អត្ថោ. យថា ធម្មោ ច វិនយោ ច ឋិតោ, តថា តាយ អាបត្តិយា ការេតព្ពោតិ វុត្តំ ហោតិ. មោហារោបនំ, តិក្ខត្តុំ សុតភាវោ, មោហេតុកាមស្ស មោហនន្តិ តីណិ អង្គានិ.

មោហនសិក្ខាបទវណ្ណនា និដ្ឋិតា.