១. អាវសថបិណ្ឌសិក្ខាបទវណ្ណនា

២០៦. ចតុត្ថវគ្គស្ស បឋមេ ឥមេសំយេវាតិ ឥមេសំ បាសណ្ឌានំយេវ. ឯត្តកានន្តិ ឥមស្មិំ បាសណ្ឌេ ឯត្តកានំ.

២០៨. ‘‘គច្ឆន្តោ វា អាគច្ឆន្តោ វា’’តិ ឥទំ អទ្ធយោជនវសេន គហេតព្ពំ. អញ្ញេ ឧទ្ទិស្ស បញ្ញត្តញ្ច ភិក្ខូសុ អប្បសន្នេហិ តិត្ថិយេហិ សាមញ្ញតោបិ បញ្ញត្តម្បិ ភិក្ខូនំ ន វដ្ដតិ ឯវ. អាវសថបិណ្ឌតា, អគិលានតា, អនុវសិត្វា ភោជនន្តិ ឥមានេត្ថ តីណិ អង្គានិ.

អាវសថបិណ្ឌសិក្ខាបទវណ្ណនា និដ្ឋិតា.