៧. មហាបេសការសិក្ខាបទវណ្ណនា

៦៤២. សត្តមេ ‘‘កិញ្ចិមត្តំ អនុបទជ្ជេយ្យា’’តិ ឥទំ បយោគភេទទស្សនំ, ទានំ បនេត្ថ អង្គំ ន ហោតិ. តេនេវ តស្ស វិភង្គេ ‘‘អន្តមសោ ធម្មម្បិ ភណតី’’តិ វុត្តំ. សេសមេត្ថ ឧត្តានមេវ. អញ្ញាតកអប្បវារិតានំ តន្តវាយេ ឧបសង្កមិត្វា វិកប្បមាបជ្ជនតា, ចីវរស្ស អត្តុទ្ទេសិកតា, តស្ស វចនេន សុត្តវឌ្ឍនំ, ចីវរបដិលាភោតិ ឥមានេត្ថ ចត្តារិ អង្គានិ.

មហាបេសការសិក្ខាបទវណ្ណនា និដ្ឋិតា.