១០. បរិណតសិក្ខាបទវណ្ណនា
៦៦០. ទសមេ រោបិតមាលវច្ឆតោតិ កេនចិ និយមេត្វា រោបិតំ សន្ធាយ វុត្តំ. អនោចិតំ មិលាយមានំ ឱចិនិត្វា យត្ថ កត្ថចិ បូជេតុំ វដ្ដតិ. ឋិតំ ទិស្វាតិ សេសកំ គហេត្វា ឋិតំ ទិស្វា. យត្ថ ឥច្ឆថ, តត្ថ ទេថាតិ ឯត្ថ និយមេត្វា ‘‘អសុកស្ស ទេហី’’តិ វុត្តេបិ ទោសោ នត្ថិ ‘‘តុម្ហាកំ រុចិយា’’តិ វុត្តត្តា. សង្ឃេ បរិណតភាវោ, តំ ញត្វា អត្តនោ បរិណាមនំ, បដិលាភោតិ ឥមានេត្ថ តីណិ អង្គានិ.
បរិណតសិក្ខាបទវណ្ណនា និដ្ឋិតា.
និដ្ឋិតោ បត្តវគ្គោ តតិយោ.
ឥតិ សមន្តបាសាទិកាយ វិនយដ្ឋកថាយ វិមតិវិនោទនិយំ
តិំសកវណ្ណនានយោ និដ្ឋិតោ.
បឋមោ ភាគោ និដ្ឋិតោ.
នមោ តស្ស ភគវតោ អរហតោ សម្មាសម្ពុទ្ធស្ស