៦. ឆដ្ឋសិក្ខាបទវណ្ណនា

៨៦០. ‘‘និសីទន្តិយា ឯកា, និបជ្ជន្តិយា ឯកា’’តិ អវត្វា ‘‘និសីទិត្វា គច្ឆន្តិយា’’តិអាទិ ន វត្តព្ពំ. ន ហិ គមនបច្ចយា ឯសា អាបត្តីតិ? ន, បរិយោសានាធិប្បាយវសេន វុត្តត្តា. ‘‘និសីទិត្វា និបជ្ជន្តិយា ទ្វេ’’តិ វចនេនបិ គមនំ ឥធ នាធិប្បេតន្តិ ទស្សិតំ ហោតិ, តថា ‘‘និបជ្ជិត្វា និសីទន្តិយា ទ្វេ’’តិបិ វត្តព្ពំ. យទិ ឯវំ ‘‘តស្មិំ អភិនិបជ្ជតិ, អាបត្តិ ទ្វិន្នំ បាចិត្តិយាន’’ន្តិ កស្មា ន វុត្តន្តិ ចេ? អនិសីទិត្វាបិ និបជ្ជនសម្ភវតោ. និបជ្ជនត្ថាយ និសីទិត្វា និបជ្ជន្តិយា និបជ្ជនកបយោគត្តា ឯកា អាបត្តីតិ កេចិ.

ឆដ្ឋសិក្ខាបទវណ្ណនា និដ្ឋិតា.