២. ទុតិយសិក្ខាបទវណ្ណនា

៨០០. សំហរាបេយ្យាតិ ‘‘សំហរតិ វា សំហរាបេតិ វា’’តិ បទភាជនំ វេទិតព្ពំ. កិញ្ចាបិ ឯត្ថ អាបត្តិភេទោ ន ទស្សិតោ, តថាបិ ខុរសណ្ឌាសកត្តរិអាទិបរិយេសនឃំសនាទីសុ បុព្ពបយោគេសុ ទុក្កដំ យុជ្ជតិ, យថា ចេត្ថ, ឯវំ តលឃាតកាទិម្ហិ ច អាបត្តិភេទោ បាឡិយំ ន វុត្តោ. យថាសម្ភវំ បន បុព្ពបយោគេសុ ទុក្កដំ សម្ភវតិ. ឯវំ ភិក្ខុស្ស ឯត្ថ ច លសុណេ ច ទុក្កដំ. ឥទំ កិរិយាកិរិយន្តិ បោរាណា. តត្ថ ‘‘កិរិយាកិរិយ’’ន្តិ ន វុត្តំ.

ទុតិយសិក្ខាបទវណ្ណនា និដ្ឋិតា.

៨០២-៦. តតិយចតុត្ថសិក្ខាបទំ ឧត្តានត្ថមេវ.