២. ទុតិយសង្ឃាទិសេសសិក្ខាបទវណ្ណនា

៦៨៣. ភដិបុត្តកានំ កុមារភដិកានំ គណា ភដិបុត្តគណា. កប្បន្តិ កប្បិយំ. កប្បគតិកន្តិ កប្បិយសភាវំ. បក្កន្តាសុបីតិ អត្តនោ បរិសំ ឋបេត្វា ឥតរាសុ បក្កន្តាសុ. បណ្ណត្តិំ អជានន្តា អរិយាបិ វុដ្ឋាបេន្តីតិ កត្វា វា កម្មវាចាបរិយោសានេ អាបត្តិក្ខណេ វិបាកាព្យាកតសមង្គិតាវសេន វា ‘‘តិចិត្ត’’ន្តិ វុត្តន្តិ វេទិតព្ពំ. ‘‘បព្ពាជនេ ន ទុក្កដ’’ន្តិ បោរាណគណ្ឋិបទេ វុត្តំ.

ទុតិយសង្ឃាទិសេសសិក្ខាបទវណ្ណនា និដ្ឋិតា.