ខន្ធកបុច្ឆាវារវណ្ណនា

បុច្ឆាវិស្សជ្ជនាវណ្ណនា

៣២០. និទានំ នាម កាលញ្ច នគរញ្ច ទេសោ ច ភគវា ច. វត្ថុបុគ្គលាទិ និទ្ទេសោ. យានិ តត្ថ ឧបសម្បទក្ខន្ធកេ ‘‘ន, ភិក្ខវេ, ឩនវីសតិវស្សោ បុគ្គលោ ឧបសម្បាទេតព្ពោ’’តិអាទិនា នយេន ឧត្តមានិ បទានិ វុត្តានីតិ សម្ពន្ធោ. សា សា តស្ស តស្ស បទស្ស អាបត្តីតិ វុច្ចតីតិ យា ‘‘ន, ភិក្ខវេ, ឩនវីសតិវស្សោ បុគ្គលោ ឧបសម្បាទេតព្ពោ’’តិ បទេន បញ្ញត្តា អាបត្តិ, សា តស្ស បទស្សាតិ អធិប្បាយោ. ចម្មសំយុត្តេតិ ចម្មក្ខន្ធកេ.