៨. ឧបស្សុតិសិក្ខាបទវណ្ណនា

៤៧៣. ឥមេសំ សុត្វាតិ ឯត្ថ ‘‘វចន’’ន្តិ បាឋសេសោ. ឯកបរិច្ឆេទានីតិ សិយា កិរិយា សិយា អកិរិយាតិ ឥមិនា នយេន ឯកបរិច្ឆេទានិ. ឯត្ថ កិញ្ចាបិ អញ្ញវាទកបច្ចយាបត្តិ កិរិយា ច វិហេសកបច្ចយាបត្តិ អកិរិយា ច, តទុភយំ បន ឯកសិក្ខាបទន្តិ កត្វា តំ អញ្ញវាទកសង្ខាតំ សិក្ខាបទំ សិយា កិរិយា បឋមស្ស វសេន, សិយា អកិរិយា ទុតិយស្ស វសេនាតិ ឯវមត្ថោ ទដ្ឋព្ពោ.

ឧបស្សុតិសិក្ខាបទវណ្ណនា និដ្ឋិតា.