៨. អរិដ្ឋសិក្ខាបទវណ្ណនា

៤១៧. គហដ្ឋស្សាបិ ភិក្ខុនីទូសកកម្មំ មោក្ខន្តរាយិកមេវ, តស្មា តស្ស បព្ពជ្ជាបិ បដិក្ខិត្តា. វិបាកន្តរាយិកា អហេតុកត្តា. បុព្ពេ សញ្ចិច្ច អាបន្នា សម្មុដ្ឋា សុទ្ធសញ្ញិនោ អន្តរាយិកា ឯវ. សេសាតិ ជាតិកា. រសេនាតិ ភាវេន. អធិកុដ្ដនដ្ឋេនាតិ អធិករណំ កត្វា កុដ្ដនដ្ឋេន ឆិន្ទនដ្ឋេន. អសិសូនូបមា កុសលធម្មច្ឆេទនដ្ឋេន. សត្តិសូលូបមា ចិត្តវិតុទនដ្ឋេនាតិ បោរាណា. អនាបត្តិបាឡិយំ ‘‘អាទិកម្មិកស្សា’’តិ មុខារុឡ្ហវសេន លិខិតំ.

អរិដ្ឋសិក្ខាបទវណ្ណនា និដ្ឋិតា.