២. អញ្ញវាទកសិក្ខាបទវណ្ណនា

៩៨-៩. អញ្ញំ វទតីតិ អញ្ញវាទកំ, ‘‘វចនំ ករេយ្យា’’តិ លិខិតំ. ‘‘តុណ្ហីភូតស្សេតំ នាម’’ន្តិ បាឋោ. ឧគ្ឃាតេតុកាមោតិ សមោហនិតុកាមោ, អន្តរាយំ កត្តុកាមោតិ បោរាណា.

១០០. ‘‘សុទិដ្ឋោ ភន្តេ, ន បនេសោ កហាបណោតិអាទីសុ អនារោបិតេ ទុក្កដេន មុសាវាទបាចិត្តិយំ, អរោបិតេ បាចិត្តិយទ្វយំ ហោតី’’តិ វទន្តិ, វីមំសិតព្ពំ.

១០២. អធម្មេន វា វគ្គេន វា ន កម្មារហស្ស វាតិ ឯត្ថ ‘‘មយិ វុត្តេ មំ វា អញ្ញំ វា សង្ឃោ អធម្មេន វា កម្មំ, វគ្គេន វា កម្មំ ករិស្សតិ, ន កម្មារហស្ស វា មេ, អញ្ញស្ស វា កម្មំ ករិស្សតី’’តិ ន កថេតីតិ យោជេតព្ពំ.

អញ្ញវាទកសិក្ខាបទវណ្ណនា និដ្ឋិតា.