៦. សុរុសុរុវគ្គវណ្ណនា

៦២៧. ‘‘សុរុសុរុ’’ន្តិ ច ‘‘សុរោសុរោ’’តិ ច បាឋោ. សីតីកតោតិ សីតង្កោ. ‘‘សិលកពុទ្ធោតិ អរិយានំ បរិហាសវចនមេវេត’’ន្តិ លិខិតំ.

៦៣១. បដិក្កូលវសេនាតិ ឯត្ថ យទិ បដិក្កូលវសេន បដិក្ខិត្តំ, ‘‘សេយ្យថាបិ កាមភោគិនោ’’តិ ន វត្តព្ពំ. ន ហិ តេ បដិក្កូលំ ករោន្តីតិ ចេ? ន, ឥស្សរិយលិង្គវសេន គហណសម្ភវតោ. តេ ហិ អនាទរា ហោន្តិ. បត្តធោវនន្តិ បត្តធោវនោទកំ ភោជនបដិសំយុត្តំ.

៦៣៤. ‘‘ឆត្តបាទុកាយ’’ន្តិ ច ‘‘ឆត្តបាទេ’’តិ ច បាឋោ.

៦៣៧. ចាបោតិ សត្តខាទនវធោ. ‘‘សេសា សព្ពា ធនុវិកតិ កោទណ្ឌេ បវិដ្ឋា’’តិ ច លិខិតំ, បដិមុក្កន្តិ បវេសិតំ, លគ្គិតំ ហោតីតិ អត្ថោ.

សុរុសុរុវគ្គវណ្ណនា និដ្ឋិតា.