២. រតនសិក្ខាបទវណ្ណនា

៥០៤. ‘‘អធិវាសេន្តុ គហបតិនោ ភត្ត’’ន្តិ ច ‘‘មេ គហបតិនោ’’តិ ច អត្ថិ.

៥០៦. កុរុន្ទិវចនេន ឃរេបិ យទិ ភិក្ខូ អាសង្កន្តិ, តត្ថ ឋត្វា អាចិក្ខិតព្ពន្តិ វុត្តំ ហោតិ. បតិរូបាតិ ‘‘រតនសម្មតេ បំសុកូលគ្គហណំ វា រតនេ និរុស្សុក្កគមនំ វា’’តិ លិខិតំ. ‘‘តាវកាលិកវសេនបិ អនាមាសំ បដិគ្គណ្ហិតុំ ន លភតី’’តិ វទន្តិ. សមាទបេត្វាតិ យាចិត្វា ‘‘ឧទ្ទិស្ស អរិយា តិដ្ឋន្តិ, ឯសា អរិយាន យាចនា’’តិ (ជា. ១.៧.៥៩) វុត្តនយេន.

រតនសិក្ខាបទវណ្ណនា និដ្ឋិតា.