១. កោសិយសិក្ខាបទវណ្ណនា

៥៤២. កោសិយការកោតិ ឯត្ថ កោសំ ករោន្តីតិ ‘‘កោសការា’’តិ លទ្ធវោហារានំ បាណកានំ កោសតោ និព្ពត្តំ កោសិយំ នាម. អត្តនា កតំ ចេ? និស្សជ្ជនកាលេ ‘‘សយំ កតំ និស្សគ្គិយ’’ន្តិ វត្តព្ពំ. ឧភោហិ ចេ កតំ, យថាបាឋមេវ វត្តព្ពំ. អត្តនា ច បរេហិ ច វិប្បកតំ អត្តនា បរិយោសាបេតីតិអាទិចតុក្កម្បិ សម្ភវន្តំ ន ទស្សិតំ. វិនយធម្មតា ហេសា, យទិទំ ឯកស្មិំ តិកេ វា ចតុក្កេ វា ទស្សិតេ ឥតរំ សម្ភវន្តម្បិ ន វុច្ចតីតិ.

កោសិយសិក្ខាបទវណ្ណនា និដ្ឋិតា.