៣. ភិក្ខុសុត្តវណ្ណនា

៣៦៩. យស្មា សោ ភិក្ខុ ‘‘ទេសេតុ មេ, ភន្តេ, ភគវា សំខិត្តេន ធម្ម’’ន្តិ សំខិត្តេន ធម្មទេសនំ យាចិ, តស្ស សំខិត្តរុចិភាវតោ, តស្មា សំខិត្តេនេវ ធម្មំ ទេសេតុកាមោ ភគវា ‘‘តស្មាតិហា’’តិអាទិមាហាតិ វុត្តំ – ‘‘យស្មា សំខិត្តេន ទេសនំ យាចសិ, តស្មា’’តិ. កម្មស្សកតាទិដ្ឋិកស្សេវ លោកិយលោកុត្តរគុណវិសេសា ឥជ្ឈន្តិ, ន ទិដ្ឋិវិបន្នស្ស, តស្មា វុត្តំ ‘‘ទិដ្ឋីតិ កម្មស្សកតាទិដ្ឋី’’តិ.