៥. អាមកមំសសុត្តវណ្ណនា

១១៥៥. ‘‘អនុជានាមិ, ភិក្ខវេ, បញ្ច វសានិ ភេសជ្ជានិ – អច្ឆវសំ, មច្ឆវសំ, សុសុកាវសំ, សូករវសំ, គទ្រភវស’’ន្តិ (មហាវ. ២៦២; បារា. អដ្ឋ. ៦២៣) វុត្តត្តា ឥទំ ឧទ្ទិស្ស អនុញ្ញាតំ នាម. តស្ស បន ‘‘កាលេ បដិគ្គហិត’’ន្តិ (មហាវ. ២៦២) វុត្តត្តា បដិគ្គហណំ វដ្ដតីតិ អាហ – ‘‘អញ្ញត្រ ឧទ្ទិស្ស អនុញ្ញាតា’’តិ. វិនយវសេន ឧបបរិក្ខិតព្ពោ, តស្មា សមន្តបាសាទិកាយ វិនយដ្ឋកថាយ វុត្តនយេនេត្ថ វិនិច្ឆយោ វេទិតព្ពោ.