១០. តថសុត្តវណ្ណនា

១០៩០. សភាវាវិជហនដ្ឋេនាតិ អត្តនោ ទុក្ខសភាវស្ស កទាចិបិ អបរិច្ចជនេន តថសភាវំ. តេនាហ ‘‘ទុក្ខញ្ហិ ទុក្ខមេវ វុត្ត’’ន្តិ. សភាវស្សាតិ ទុក្ខសភាវស្ស. អមោឃតាយាតិ អវញ្ឈតាយ. អវិតថន្តិ ន វិតថំ. តេនាហ ‘‘ន ហិ ទុក្ខំ អទុក្ខំ នាម ហោតី’’តិ. អញ្ញភាវានុបគមេនាតិ សមុទយាទិសភាវានុបគមនេន មុសា ន ហោតីតិ អញ្ញោ អញ្ញថា ន ហោតីតិ អនញ្ញថំ. តេនាហ ‘‘ន ហី’’តិអាទិ.

ធម្មចក្កប្បវត្តនវគ្គវណ្ណនា និដ្ឋិតា.