៣. កោដិគាមវគ្គោ
១. កោដិគាមសុត្តវណ្ណនា
១០៩១. អននុពោធាតិ បដិវេធស្ស អនុរូបពោធាភាវេន. អប្បដិវេធាតិ សច្ចានំ បដិមុខំ វេធាភាវេន.
២. ទុតិយកោដិគាមសុត្តវណ្ណនា
១០៩២. ផលសមាធិផលបញ្ញានន្តិ អគ្គផលសមាធិអគ្គផលបញ្ញានំ.
៧. តថសុត្តវណ្ណនា
១០៩៧. អរិយានន្តិ ពុទ្ធានំ អរិយានំ. តេនាហ ‘‘ន ហី’’តិអាទិ.
៨. លោកសុត្តវណ្ណនា
១០៩៨. បដិវិទ្ធត្តា ទេសិតត្តា ចាតិ ឥមិនា បដិវេធញាណេន ទេសនាញាណេន ច បរិគ្គហិតត្តា អរិយសន្តកានិ ហោន្តិ អរិយស្ស ភគវតោ សន្តកភាវតោ.
១០. គវម្បតិសុត្តវណ្ណនា
១១០០. ឯកប្បដិវេធោតិ ឯកេនេវ ញាណេន ចតុន្នំ អរិយសច្ចានំ ឯកជ្ឈំ បដិវេធោ.
កោដិគាមវគ្គវណ្ណនា និដ្ឋិតា.