៤. គិលានសុត្តវណ្ណនា

១០៥០. ន ខោ បនេតន្តិ ន ខោ ឯតំ, នោតិ ច អម្ហេហីតិ អត្ថោតិ អាហ ‘‘ន ខោ អម្ហេហី’’តិអាទិ. អស្សសន្តីតិ អស្សាសនីយាតិ អាហ ‘‘អស្សាសករេហី’’តិ. មរិស្សតីតិ មារិសោ, ឯកន្តភាវិមរណោ, សោ បន មរណាធីនវុត្តិកោតិ វុត្តំ ‘‘មរណបដិពទ្ធោ’’តិ. អធិមុច្ចេហីតិ អធិមុត្តិំ ឧប្បាទេហិ. តំ បន តថា ចិត្តស្ស បណិធានំ ឋបនន្តិ អាហ ‘‘ឋបេហី’’តិ. អាគមនីយគុណេសូតិ បុព្ពភាគគុណេសុ. បមាណំ នាម នត្ថិ អនន្តាបរិមាណត្តា. នានាករណំ នត្ថិ វិមុត្តិយា និន្នានត្តា.