២. តិស្សសុត្តវណ្ណនា

៨៤. មធុរកំ វុច្ចតិ កាយេ វិភារន្តិ អាហ – ‘‘មធុរកជាតោ វិយាតិ សញ្ជាតគរុភាវោ វិយា’’តិ. គរុភាវេ សតិ លហុតា អនោកាសាវ, តថា មុទុតា កម្មញ្ញតា ចាតិ វុត្តំ ‘‘អកម្មញ្ញោ’’តិ. ‘‘កាយេ’’តិ អានេត្វា វត្តព្ពំ. ន បក្ខាយន្តីតិ បកាសា ហុត្វា ន ខាយន្តិ. តេនាហ ‘‘ន បាកដា ហោន្តី’’តិ. ឧបដ្ឋហន្តីតិ ឧបតិដ្ឋន្តិ. ន ទិស្សតីតិ គហណំ ន គច្ឆតិ. មហាវិចិកិច្ឆាតិ អដ្ឋវត្ថុកា សោឡសវត្ថុកា ច វិមតិ. ន ហិ ឧប្បជ្ជតិ បរិបក្កកុសលមូលត្តា.

កាមានមេតំ អធិវចនន្តិ បទំ ឧទ្ធរិត្វា យេន អធិប្បាយេន ភគវតា និន្នំ បល្លលំ កាមានំ និទស្សនភាវេន អាភតំ, តំ អធិប្បាយំ វិភាវេតុំ ‘‘យថា ហី’’តិអាទិ វុត្តំ.

តិស្សសុត្តវណ្ណនា និដ្ឋិតា.