៥-៩. ពន្ធនសុត្តាទិវណ្ណនា

១១៧-១២១. តីរំ វុច្ចតិ វដ្ដំ ឱរិមតីរន្តិ កត្វា. តេនាហ ‘‘អថាយំ ឥតរា បជា, តីរមេវានុធាវតី’’តិ (ធ. ប. ៨៥). បារំ វុច្ចតិ និព្ពានំ សំសារស្ស បារិមន្តិ កត្វា. ពទ្ធោតិ អនុសយប្បហានស្ស អកតត្តា កិលេសពន្ធនេន ពទ្ធោ, សុក្កបក្ខេបិ ទិដ្ឋិសមនុបស្សនាយ រូបាទិពន្ធនស្ស បដិក្ខេបមត្តមេវ វុត្តំ, ន វិមោក្ខន្តិ អធិប្បាយោ. ឥមស្មិំ សុត្តេ វដ្ដទុក្ខំ កថិតន្តិ ‘‘តីរទស្សី បារទស្សី, បរិមុត្តោ សោ ទុក្ខស្មាតិ វទាមី’’តិ អាគតត្តា វដ្ដវិវដ្ដំ កថិកន្តិ វត្តុំ សក្កា.

ឆដ្ឋាទីនិ ឧត្តានត្ថានេវ ហេដ្ឋា វុត្តនយត្តា.

ពន្ធនសុត្តាទិវណ្ណនា និដ្ឋិតា.