១០. ទុតិយអាយុសុត្តវណ្ណនា

១៤៦. នេមីវាតិ នេមិសីសេន ចក្កំ វទតិ. កុព្ពរំ អនុបរិយាយតីតិ កុព្ពរំ អនុបរិវត្តតិ. តថាភូតោ បន សោ តំ អជហន្តោវាតិ អាហ ‘‘ន វិជហតី’’តិ. អាយុ អនុបរិយាយតីតិ មច្ចានំ អាយុ គតម្បិ បច្ចាគច្ឆតីតិ ភគវតោ បដាណិ ហុត្វា វទតិ, ភគវា បន តំ អភិភវិត្វា ‘‘អច្ចយន្តិ អហោរត្តា’’តិអាទិនា អាយុនោ អច្ចយគមនមរណតំយេវ បវេទេសិ.

ទុតិយអាយុសុត្តវណ្ណនា និដ្ឋិតា.

បឋមវគ្គវណ្ណនា និដ្ឋិតា.