៨. កាមសុត្តវណ្ណនា

៧៨. ‘‘អត្តកាមោ’’តិ បាឡិយំ វុត្តត្តា អាហ ‘‘ឋបេត្វា សព្ពពោធិសត្តេ’’តិ. តេ ហិ សព្ពសោ បរត្ថាយ ឯវ បដិបជ្ជមានា មហាការុណិកា បរត្ថកាមា, អត្ថកាមា នាម ន ហោន្តិ, យា ច តេសំ អត្តត្ថាវហា បដិបត្តិ, សាបិ យាវទេវ បរត្ថា ឯវាតិ. វុត្តំ បោរាណដ្ឋកថាយំ. យស្មា ពោធិសត្តា បរហិតបដិបត្តិយា បារមិយោ បូរេន្តា តថារូបំ ការណំ បត្វា អត្តានំ បរេសំ បរិច្ចជន្តិ បញ្ញាបារមិយា បរិបូរណតោ, តស្មា ឥធាបិ ‘‘សព្ពពោធិសត្តេ ឋបេត្វាយេវាតិ វុត្ត’’ន្តិ អាហ. កល្យាណន្តិ ភទ្ទកំ. វាចាយ អធិប្បេតត្តា អាហ ‘‘សណ្ហំ មុទុក’’ន្តិ. បាបិកន្តិ លាមកំ និហីនំ. តំ បន ផរុសំ វាចន្តិ សរូបតោ ទស្សេតិ.

កាមសុត្តវណ្ណនា និដ្ឋិតា.