១០. លោកសុត្តវណ្ណនា

៧០. កិស្មិន្តិ កិស្មិំ សតិ? តស្ស បន សន្តភាវោ ឧប្បត្តិវសេនេវាតិ អាហ ‘‘កិស្មិំ ឧប្បន្នេ’’តិ? លោកោ ឧប្បន្នោតិ វុច្ចតិ អនុបាទានត្តា លោកសមញ្ញាយ. ឆសូតិ ឯត្ថាបិ ឯសេវ នយោ សន្ថវន្តិ អធិកសិនេហំ ករោតិ អធិកសិនេហវត្ថុភាវតោ អជ្ឈត្តិកាយតនានំ. ឧបាទាយាតិ បុព្ពកាលកិរិយា អបរកាលកិរិយំ អបេក្ខតីតិ វចនសេសវសេន កិរិយាបទំ គហិតំ ‘‘បវត្តតី’’តិ. កិំ បន បវត្តតិ? លោកោ, លោកសមញ្ញាតិ អត្ថោ. ឆសូតិ ឥទំ និមិត្តត្ថេ ភុម្មំ. ឆឡាយតននិមិត្តញ្ហិ សព្ពទុក្ខំ. អយន្តិ សត្តលោកោ. ឧប្បន្នោ នាម ហោតិ ឆឡាយតនំ នាម មូលំ សព្ពទុក្ខានន្តិ កត្វា. ពាហិរេសុ អាយតនេសុ សន្ថវំ ករោតិ វិសេសតោ រូបាទីនំ តណ្ហាវត្ថុកត្តា. យស្មា ចក្ខាទីនំ សន្តប្បនវសេន រូបាទីនំ បរិគ្គហិតត្តា លោកស្ស និសេវិតាយ សំវត្តតិ, តស្មា វុត្តំ ‘‘ឆន្នំ…បេ… វិហញ្ញតី’’តិ.

លោកសុត្តវណ្ណនា និដ្ឋិតា.

អទ្ធវគ្គវណ្ណនា និដ្ឋិតា.