៩. បឋមបជ្ជុន្នធីតុសុត្តវណ្ណនា

៣៩. ចាតុមហារាជិកស្សាតិ ចាតុមហារាជិកកាយិកស្ស. ធម្មោ អនុពុទ្ធោតិ ចតុសច្ចធម្មោ បរិញ្ញេយ្យាទិភាវស្ស អនុរូបតោ ពុទ្ធោ. បច្ចក្ខមេវាតិ បរបត្តិយា អហុត្វា អត្តបច្ចក្ខមេវ កត្វា ជានាមិ. ធម្មំ គរហន្តា នាម សទ្ទទោសវសេន វា អត្ថទោសវសេន វា គរហេយ្យុន្តិ តំ ទស្សេន្តោ ‘‘ហីនក្ខរ…បេ… កោតិវា’’តិ អាហ. សា បន ‘‘តេសំ វិគរហា ទុម្មេធតាយ មហានត្ថាវហាវា’’តិ ទស្សេន្តី ទេវតា អាហ ‘‘ទុម្មេធា ឧបេន្តិ រោរុវ’’ន្តិ. វិសុំ ហោតីតិ អវីចិមហានិរយតោ វិសុំ ឯវ ហោតិ. ខន្តិយាតិ ញាណខន្តិយា. ឧបសមេនាតិ រាគាទីនំ សព្ពសោ វូបសមេន. តេនាហ ‘‘រុច្ចិត្វា’’តិអាទិ.

បឋមបជ្ជុន្នធីតុសុត្តវណ្ណនា និដ្ឋិតា.