៣. គមិកវត្តកថា

៣៦០. គមិកវត្តេ ឯវំ វិនិច្ឆយោ វេទិតព្ពោតិ យោជនា. តត្ថាតិ សេនាសនក្ខន្ធកេ. តំ សព្ពំ បដិសាមេត្វាតិ សម្ពន្ធោ. យត្ថ យេសុ បាសាណបិដ្ឋិបាសាណត្ថម្ភេសុ ឧបចិកា នារោហន្តិ, តស្សំ បាសាណបិដ្ឋិយំ វា តេសុ បាសាណត្ថម្ភេសុ វា យំ កតសេនាសនំ អត្ថិ, តំ អនាបុច្ឆន្តស្សាបិ អនាបត្តីតិ យោជនា. ចតូសុ បាសាណេសូតិអាទិ វុត្តន្តិ សម្ពន្ធោ, ឧបចិកានំ ឧប្បត្តិដ្ឋានេ កតេតិ សម្ពន្ធោ. អយន្តិ អានិសំសោ. ឱវស្សកគេហេ បន ឋបិតានំ មញ្ចបីឋានន្តិ សម្ពន្ធោ.