២០៥. រាជគហសេដ្ឋិវត្ថុកថា

៣៣២. ឥរិយាបថសម្បរិវត្តនេនាតិ ឥរិយាបថស្ស បុនប្បុនំ បរិវត្តនេន. តីហិ សត្តាហេហិ និច្ចលស្ស និបន្នស្ស អស្ស សេដ្ឋិស្ស មត្ថលុង្គន្តិ យោជនា. អប្បេវ និបជ្ជេយ្យាតិ យោជនា. នន្តិ សេដ្ឋិំ. តេនេវាតិ តេនេវ ការណេន. សីសំ ឆាទេតីតិ សីសច្ឆវីតិ វុត្តេ សីសបដិច្ឆាទនចម្មន្តិ អាហ ‘‘សីសចម្ម’’ន្តិ. តស្សាតិ សេដ្ឋិស្ស. តីហិ សត្តាហេនាតិ ឯត្ថ បុព្ពបទេន បច្ឆិមបទំ គុណិត្វា គហេតព្ពន្តិ អាហ ‘‘តីហិ បស្សេហិ ឯកេនេកេន សត្តាហេនា’’តិ.

៣៣៣. ជនំ នីហរាបេត្វាតិ ជនំ អបក្កមាបេត្វា.