៦. ឆដ្ឋសិក្ខាបទំ

៩០៩. ឆដ្ឋេ ‘‘អញ្ញំ បរិក្ខារ’’ន្តិឯត្ថ បរិក្ខារស្ស សរូបំ ទស្សេន្តោ អាហ ‘‘យំកិញ្ចី’’តិអាទិ. យំកិញ្ចិ អញ្ញតរន្តិ សម្ពន្ធោ. កិត្តកំអគ្ឃនកន្តិ កិំ បមាណេន អគ្ឃេន អរហំ ចីវរំ. ទាតុកាមត្ថាតិ តុម្ហេ ទាតុកាមា ភវថាតិ អត្ថោ. កតិបាហេនាតិ កតិបយានិ អហានិ កតិបាហំ, យការលោបោ. កតិបយសទ្ទោហិ ទ្វិតិវាចកោ រូឡ្ហីសទ្ទោ, តេន កតិបាហេន. សមគ្ឃន្តិ អប្បគ្ឃំ. សំសទ្ទោ ហិ អប្បត្ថវាចកោតិ. ឆដ្ឋំ.