១. បឋមសិក្ខាបទ-អត្ថយោជនា

៨៣៩. អន្ធការវគ្គស្ស បឋមេ អប្បទីបេតិ ឧបលក្ខណវសេន វុត្តត្តា អញ្ញេបិ អាលោកា គហេតព្ពាតិ ទស្សេន្តោ អាហ ‘‘បទីបចន្ទសូរិយអគ្គីសូ’’តិអាទិ. អស្សាតិ ‘‘អប្បទីបេ’’តិបទស្ស.

៨៤១. នរហោអស្សាទាបេក្ខា ហុត្វា ច រស្សាទតោ អញ្ញវិហិតាវ ហុត្វា ចាតិ យោជនា. ឥមិនា ‘‘សន្តិដ្ឋតិ វា សល្លបតិ វា’’តិ បទេ កិរិយាវិសេសនភាវំ ទស្សេតិ. ទានេន វា និមិត្តភូតេន, បូជាយ វា និមិត្តភូតាយ មន្តេតីតិ យោជនាតិ. បឋមំ.