៤. ចតុត្ថនិស្សគ្គិយបាចិត្តិយសិក្ខាបទំ

៧៤៨. ចតុត្ថេ កិណាតិ អនេនាតិ កយន្តិ វចនត្ថេន មូលំ កយំ នាមាតិ អាហ ‘‘មូលេនា’’តិ. សាតិ ថុល្លនន្ទា, អាហ កិរាតិ សម្ពន្ធោ. ញាធាតុយា អវពោធនត្ថតោ អញ្ញម្បិ ញាធាតុយា យាចនត្ថំ ទស្សេន្តោ អាហ ‘‘យាចិត្វា វា’’តិ.

៧៥២. យន្តិ សព្ពិតេលាទិ. តញ្ញេវាតិ សព្ពិតេលាទិមេវ. យមកន្តិ សព្ពិំ សហ តេលេន យុគឡំ កត្វា. វេជ្ជេនាតិ ភិសក្កេន. សោ ហិ អាយុព្ពេទសង្ខាតំ វិជ្ជំ ជានាតីតិ វេជ្ជោតិ ច រោគញ្ច តស្ស និទានញ្ច ភេសជ្ជញ្ច វិទតិ ជានាតីតិបិ វេជ្ជោតិ ច វុច្ចតិ. តតោតិ វេជ្ជេន វុត្តការណា. កហាបណស្សាតិ កហាបណេន, អាភតន្តិ សម្ពន្ធោតិ. ចតុត្ថំ.