១២. ទ្វាទសមនិស្សគ្គិយបាចិត្តិយសិក្ខាបទំ

៧៨៩. ទ្វាទសមេ លហុបាវុរណំ នាម ឧណ្ហកាលេ បាវុរណវត្ថន្តិ ទស្សេន្តោ អាហ ‘‘ឧណ្ហកាលេ បាវុរណ’’ន្តិ. ឧណ្ហកាលេ ហិ មនុស្សា សុខុមបាវុរណំ បារុបន្តីតិ. ទ្វាទសមំ.

និស្សគ្គិយានំ តិំសភាវំ ទស្សេន្តោ អាហ ‘‘មហាវិភង្គេ’’តិអាទិ. ចីវរវគ្គតោ អបនេត្វាតិ សម្ពន្ធោ. អញ្ញទត្ថិកានីតិ អញ្ញទត្ថិកបទេន វុត្តានិ សិក្ខាបទានិ. ឥតីតិ ឯវំ. ឯកតោបញ្ញត្តានីតិ ឯកស្សេវ បញ្ញត្តានិ, ឧភតោបញ្ញត្តានីតិ ឧភយេសំ បញ្ញត្តានិ. ឯត្ថាតិ ‘‘ឧទ្ទិដ្ឋា ខោ’’តិអាទិវចនេតិ.

ឥតិ សមន្តបាសាទិកាយ វិនយសំវណ្ណនាយ

ភិក្ខុនិវិភង្គេ

តិំសកវណ្ណនាយ យោជនា សមត្តា.