៩. នវមសង្ឃាទិសេសសិក្ខាបទំ

៧២៣. នវមេ សំសដ្ឋសទ្ទោ មិស្សបរិយាយោតិ អាហ ‘‘មិស្សីភូតា’’តិ. ‘‘អននុលោមេនា’’តិឥមិនា ‘‘អននុលោមិកេនា’’តិ ឯត្ថ ឥកសទ្ទោ ស្វត្ថោតិ ទស្សេតិ. កោដ្ដនញ្ច បចនញ្ច គន្ធបិសនញ្ច មាលាគន្ថនញ្ច. អាទិសទ្ទេន អញ្ញេបិ អននុលោមិកេ កាយិកេ សង្គណ្ហាតិ. សាសនាហរណញ្ច បដិសាសនហរណញ្ច សញ្ចរិត្តញ្ច. អាទិសទ្ទេន អញ្ញេបិ អននុលោមិកេ វាចសិកេ សង្គណ្ហាតិ. ឯតាសន្តិ ភិក្ខុនីនំ. សិលោកោតិ យសោតិ. នវមំ.