៩. នវមសិក្ខាបទំ

១១៥៨. នវមេ អន្តោតិ អព្ភន្តរេ. ឥមិនា អាត្យូបសគ្គស្សត្ថំ ទស្សេតិ. ‘‘សោក’’ន្តិអាទិនា អន្តោ វាសេតិ បវេសេតីតិ អាវាសា. សោកំ អាវាសា សោកាវាសាតិ វចនត្ថំ ទស្សេតិ. ឃរំ ឃរសាមិកា អាវិសន្តិ វិយ, ឯវំ អយម្បិ សោកំ អាវិសតីតិ យោជនា. ឥតីតិ ឯវំ. យន្តិ សោកំ. ស្វាស្សាតិ សោ អស្សា. សោតិ សោកោ. អស្សាតិ សិក្ខមានាយ. អាវាសោតិ អាវាសោកាសោ. ‘‘ឯទិសា អយ’’ន្តិ ឥមិនា ‘‘អជានន្តី’’តិ ឯត្ថ អជាននាការំ ទស្សេតីតិ. នវមំ.